Janiye Kyu Karte Hai Shradh or Kyu Hoti Hai Pitra Puja?

Shradh paksh ka hindu dharam me bada hi mahatav hai. Prachin snatna dharam ke anusar hmare purvaj devtulya hai or is dharti par hamne jivan prapt kiya hai or jis prakar unhone hmara lalan-palan kar hame kritarth kiya hai unke in karyo se hum unke rinni hai. Samarpan or kritghyta ki isi bhawna  se shradh paksh prerit hai, jo jatak ko pittar rinn se mukti ka marag dikhata hai.

https://www.astrologerhome.com/best-famous-indian-astrologer.html

Shradh shabad Shardha se bana hai jo ki shradh ka pratham anivarya tatav hai arthat pittro ke prati shardha to avashya honi hi chahiye. Ashwin krishan paksh ki pratipada tithi se amavasya tak ka samay shradh ya Mahalay paksh kehlata hai. Is avadhi ke 16 din pittro arthat shradh karam ke liye vishesh roop se nirdharit kioye gye hai. Yahi avadhi pitra pakash ke naam se jani jati hai.

Garud Puran me varnit pittar rinn mukti marag rekha:

Kalapdev kurvit samaye shradham kule kashchinn sidti |

Aayu: putran yash: swaragm kirtim pushtim balamshriyam ||

Pashun sokhyam dhanam prapnuyat pitarpujnat |

Devkaryaadpi sada vishishyte ||

Devtabhay: pitrnam hi purvmapyaynam shubam ||

Is ka arth hai, samyanusar shradh karne se kul me koi dukhi nahi rehta. Pitro ki puja karke manushya aayu, putar, yash, swarg, kirti, pushti, bal, shree, pashu, sukh or dhan-dhanya prapt karta hai. Devkarya se bhi pitrakarya ka vishesh mahatav hai | Devtayo se pehle pitro ko prasann karna adhik kalyankari hai.

Kyu ki jati hai Pitrapuja: - Pitra paksh me kiye gye karyo se purvajo ki atma ko shanti prapat hoti hai tatha karta ko pitra rinn se mukti milti hai. Atma ki amrata ka sidhant to savayam bhagwan Shree Krishan Geeta me updeshit karte hai. Atma jab tak apne param-atma se sanyog nahi kar leti , tab tak vibhinn yoniyo me bhatkati rehti hai or is doran use shardh karam santushti milti hai.

Shastro me devtayo se pehle pittro ko prasann krna adhik kalyankari kaha gya hai. Yahi karan hai ki devpujan se purav pitar pujan kiye jane ka vidhan hai.